പാലക്കാട്: ഒമ്പതുകാരിയെ ലൈംഗികമായി പീഡിപ്പിച്ച മദ്രസ അധ്യാപകന് 26 വര്ഷം കഠിനതടവും 1,75,000 രൂപ പിഴയും ശിക്ഷ. മണ്ണാര്ക്കാട് കോട്ടോപ്പാടം പൊയ്യക്കോട് വീട്ടില് നൗഷാദ് ലത്തീഫിനെയാണ് (38) പാലക്കാട് ഫാസ്റ്റ് ട്രാക്ക് സ്പെഷ്യല് പോക്സോ കോടതി ജഡ്ജി ടി സഞ്ജു ശിക്ഷിച്ചത്. പിഴ അടയ്ക്കാത്ത പക്ഷം മൂന്നരവര്ഷം അധിക തടവ് അനുഭവിക്കണം. പിഴത്തുക അതിജീവിതയ്ക്ക് നല്കണം.
2018 ജൂലൈമുതല് 2019 മാര്ച്ചുവരെയുള്ള കാലയളവിലാണ് നാലാംക്ലാസ് മദ്രസ വിദ്യാര്ഥിനിയെ പ്രതി പീഡിപ്പിച്ചത്. അഗളി പോലീസ് രജിസ്റ്റര് ചെയ്ത കേസില് അന്നത്തെ എസ്ഐമാരായ പി വിഷ്ണു, എം സി റെജിക്കുട്ടി എന്നിവര് അന്വേഷണം നടത്തി കുറ്റപത്രം സമര്പ്പിച്ചു. പ്രോസിക്യൂഷനുവേണ്ടി സ്പെഷ്യല് പബ്ലിക് പ്രോസിക്യൂട്ടര് ടി ശോഭന ഹാജരായി.
