അഹ് മദാബാദ്: ഗുജറാത്തിലെ ഡാങ് ജില്ലയിലെ സപുതാരയ്ക്ക് സമീപം 50 വിനോദസഞ്ചാരികളുമായി പോയ ബസ് തോട്ടിലേക്ക് മറിഞ്ഞ് രണ്ട് യാത്രക്കാര്‍ മരിക്കുകയും നിരവധി പേര്‍ക്ക് പരിക്കേല്‍ക്കുകയും ചെയ്തു.അപകടത്തില്‍ 30 പേര്‍ക്ക് പരിക്കേറ്റിട്ടുണ്ടെന്ന് പോലീസ് പറഞ്ഞു.രാത്രി സപുതാരയില്‍ നിന്ന് മടങ്ങുകയായിരുന്ന ബസ് മറിഞ്ഞ് ഒരു വളവിലെ ഇരുമ്പ് വേലി തകര്‍ത്ത് മലയോരത്ത് നിന്ന് 50 അടി താഴ്ചയിലേക്ക് മറിഞ്ഞാണ് അപകടമുണ്ടായതെന്ന് പോലീസ് സൂപ്രണ്ട് രവിരാജ് സിംഗ് ജഡേജ പറഞ്ഞു. ഇത് ഹില്‍ സ്റ്റേഷനില്‍നിന്നും ഏകദേശം മൂന്ന് കിലോമീറ്റര്‍ വരുമെന്നും അദ്ദേഹം പറയുന്നു.
