ചെങ്ങന്നൂര്‍ : വെണ്മണി ആഞ്ഞിലച്ചുവട്ടില്‍ ഇന്നലെ രാത്രിയിലുണ്ടായ വാഹനാപകടത്തില്‍ 3 മരണം. മാവേലിക്കര കൊച്ചാലുമ്മൂട് കുറ്റിപ്പറമ്പില്‍ ഗോപന്‍ ( 22), ചെറിയനാട് പുത്തന്‍പുര തെക്കെതില്‍ അനീഷ്, മാമ്പ്ര പ്ലാന്തറയില്‍ ബാലു എന്നിവരാണ് മരിച്ചത്. ഇന്നലെ രാത്രി ഒന്‍പതരയോടെ വെണ്മണി പോലീസ് സ്റ്റേഷന്‍ അതിര്‍ത്തിയില്‍ ആഞ്ഞിലിച്ചുവട് ജംഗ്ഷനിലാണ് അപകടമുണ്ടായത്.
ഗോപന്‍ സംഭവസ്ഥലത്ത് വച്ചും, മറ്റ് രണ്ട് പേര്‍ വണ്ടാനം മെഡിക്കൽ കോളേജില്‍ എത്തിച്ചശേഷവുമാണ് മരിച്ചത്. സുഹൃത്തുക്കള്‍ സഞ്ചരിച്ച സ്കൂട്ടര്‍ രണ്ട് പോസ്റ്റുകള്‍ക്ക്‌ ഇടയിലേക്ക് ഇടിച്ച് കയറിയാണ് അപകടം ഉണ്ടായത്. അമിതവേഗതയില്‍ വന്ന് നിയന്ത്രണം വിട്ട് പോസ്റ്റില്‍ ഇടിച്ചതാവാം എന്നാണ് പ്രാഥമിക നിഗമനം. ഇത് സംബന്ധിച്ച കൂടുതൽ വിവരങ്ങള്‍ പോലീസ് പരിശോധിച്ചു വരുന്നു.
