മൂലമറ്റം: അറക്കുളം അശോക കവലയ്ക്ക് സമീപം ട്രാവലര് മറിഞ്ഞ് ഏഴുപേര്ക്കു പരുക്ക്. ഇന്നലെ വൈകിട്ട് ആറോടെയായിരുന്നു അപകടം.മരങ്ങാട്ടു പള്ളിയില്നിന്നും ഇടുക്കിക്കുപോയി ഓണാഘോഷ പരിപാടികള് കഴിഞ്ഞ് തിരികെവന്ന സംഘത്തിന്റെ വാഹനമാണ് നിയന്ത്രണംവിട്ട് മറിഞ്ഞത്.
വാഹനത്തില് കുടുങ്ങിക്കിടന്നവരെ മൂലമറ്റം ഫയര്ഫോഴ്സ് എത്തി പുറത്തെടുത്തു മൂലമറ്റത്തെ സ്വകാര്യ ആശുപത്രിയില് പ്രവേശിപ്പിച്ചു. തുടര്ന്ന് തൊടുപുഴയിലെ ആശുപത്രിയിലേക്ക് മാറ്റി. എല്സമ്മ, ജിനു ജേക്കബ്, മഞ്ചു, സിബി, സായി, പ്രീതി എന്നിവര്ക്കാണ് പരുക്കേറ്റത്. തിട്ടയില് ഇടിച്ച വാഹനം റോഡിലേക്ക് മറിയുകയായിരുന്നു. ഇറക്കത്തില് ബ്രേക്ക് ലഭിക്കാതെ വന്ന് നിയന്ത്രണം നഷ്ടമാകുകയായിരുന്നെന്നാണ് കരുതുന്നത്.
