വെഞ്ഞാറമൂട് : അജ്ഞാത വാഹനം ഇടിച്ച് യുവാവ് മരിച്ചു. നെല്ലനാട് പന്തപ്ലാവിക്കോണം ഷുക്കൂര് മന്സിലില് ഷാനു എ.നസീര് (28) ആണ് മരിച്ചത്. വ്യാഴാഴ്ച രാത്രി 11 ഓടെ സംസ്ഥാന പാതയില് കീഴായ്ക്കോണം കോണ്ടൂര് റസ്റ്റോറന്റിന് സമീപത്തായിരുന്നു അപകടം നടന്നത്. ഗുരുതരമായി പരിക്കേറ്റ നിലയില് ആണ് യുവാവിനെ കണ്ടെത്തിയത്.
നൈറ്റ് പെട്രോളിന് വാമനപുരം ഭാഗത്ത് പോയ വെഞ്ഞാറമൂട് പോലീസ് സ്റ്റേഷനിലെ പോലീസ് ഉദ്യോഗസ്ഥരാണ് രക്തം വാര്ന്ന നിലയില് യുവാവിനെയും സമീപത്ത് തകര്ന്ന നിലയില് ഇയാള് സഞ്ചരിച്ച സ്കൂട്ടറും കണ്ടത്. ഉടന് തന്നെ വെഞ്ഞാറമൂട് സ്വകാര്യ മെഡിക്കല് കോളജ് ആശുപത്രിയില് എത്തിച്ചെങ്കിലും മരിക്കുകയായിരുന്നു. വെഞ്ഞാറമൂട് സി ഐ സൈജു നാഥ്, എസ്ഐ വിനീഷ് എന്നിവര് സ്ഥലത്ത് എത്തി പരിശോധന നടത്തി. അപകടമുണ്ടാക്കിയ വാഹനം കണ്ടെത്തുന്നതിനായി സിസി ക്യാമറ കള് പരിശോധിച്ചു വരുന്നതായി പോലീസ് പറഞ്ഞു. ആറ്റിങ്ങലില് സലൂണ് നടത്തി വരികയായിരുന്ന ഷാനു കട അടച്ചു വീട്ടിലേക്ക് വരവേയാണ് അപകടം നടന്നത്. ഭാര്യ: നൗഷ്ണ. മകള് : ഐറാ.
