അടിമാലി : മൂന്നാറില് 150 അടി താഴ്ചയിലേക്ക് വാഹനം മറിഞ്ഞ് ഗുരുവായൂര് സ്വദേശി മരിച്ചു. വിനോദ് ഖന്ന (47) യാണ് മരിച്ചത്. ഒപ്പമുണ്ടായിരുന്ന മൂന്ന് പേര്ക്ക് പരിക്കേറ്റു. മൂന്നാറില് നിന്നും സൂര്യനെല്ലിയിലേക്ക് പോകുന്ന വഴി ലോക്കാട് ഗ്യാപ്പിന് സമീപം നിയന്ത്രണം വിട്ട ഇനോവ കാര് 150 അടിയോളം താഴ്ചയുള്ള കൊക്കയിലേക്ക് മറിയുകയായിരുന്നു. വിനോദ് ഖന്ന സംഭവസ്ഥലത്തു തന്നെ തല്ക്ഷണം മരിച്ചു. പരിക്കേറ്റ മൂന്നു പേരെ മൂന്നാര് ജനറല് ആശുപത്രിയിൽ പ്രവേശിപ്പിച്ചു. മാട്ടുപ്പെട്ടി സന്ദര്ശിച്ച് സൂര്യനെല്ലിവഴി കൊളുക്കുമല സന്ദര്ശിക്കുന്നതിന് വാഹനം തിരിക്കുന്നതിനിടെയാണ് അപകടം സംഭവിച്ചത്.
