തിരുവനന്തപുരം : ഉദയഗിരിയില് നിയന്ത്രണം വിട്ട കാര് പച്ചക്കറി കടയിലേക്ക് ഇടിച്ച് കയറി കടയുടമ മരിച്ചു. ഉദയഗിരിയില് വാടകയ്ക്ക് താമസിക്കുന്ന ചന്ദ്രിക ആണ് മരിച്ചത്. കാര് ചന്ദ്രികയുടെ ദേഹത്ത് കയറി ഇറങ്ങുകയായിരുന്നു. ഉച്ചയ്ക്ക് 12 ഓടെയായിരുന്നു അപകടം. അപകടം നടന്ന ഉടന് നാട്ടുകാര് ചന്ദ്രികയെ തിരുവനന്തപുരം മെഡിക്കല് കോളേജിലെത്തിച്ചെങ്കിലും ജീവന് രക്ഷിക്കാനായില്ല.
