29.4 C
Pathanāmthitta
Monday, January 17, 2022 10:25 am
- Advertisment -

സ്വകാര്യ ബസ്സും പിക്കപ്പ് വാനും കൂട്ടിയിടിച്ച് ഒരാള്‍ മരിച്ചു

കണ്ണൂര്‍ : കനത്ത മഴയ്ക്കിടെ കണ്ണുരില്‍ വാഹനാപകടത്തില്‍ ഒരാള്‍ മരിച്ചു. കണ്ണൂര്‍ നഗരത്തിന്റെ പ്രവേശന കവാടമായ മേലെ ചൊവ്വയിലുണ്ടായ വാഹനാപകടത്തില്‍ ഒരാള്‍ മരിച്ചു. സ്വകാര്യ ബസ്സും പിക്കപ്പ് വാനും കൂട്ടിയിടിച്ചാണ് അപകടം ഉണ്ടായത്. കണ്ണൂര്‍ തലശ്ശേരി ദേശീയപാതയില്‍ മേലേചൊവ്വ ഇറക്കത്തില്‍ ഉച്ചയോടെയായിരുന്നു അപകടം നടന്നത്.

കണ്ണൂരില്‍ നിന്ന് തലശ്ശേരിയിലേക്ക് വരികയായിരുന്ന ബസ്സും താഴെചൊവ്വയില്‍ നിന്ന് വരികയായിരുന്ന പിക്‌അപ്പ് വാനുമാണ് കൂട്ടിയിടിച്ചത്. അപകടത്തില്‍ പിക്കപ്പ് വാന്‍ ഡ്രൈവര്‍ തങ്കേകുന്ന് സ്വദേശി പ്രമോദ് മരിച്ചു. കൂടെയുണ്ടായിരുന്ന ക്ലീനര്‍ക്കും പരിക്കേറ്റു.

അപകടത്തെത്തുടര്‍ന്ന് തലശേരി -കണ്ണൂര്‍ ദേശീയ പാതയില്‍ ഏറെ നേരം ഗതാഗതം സ്തംഭിച്ചു. കണ്ണുരില്‍ നിന്നെത്തിയ ഫയര്‍ഫോഴ്‌സും പോലീസും രക്ഷാപ്രവര്‍ത്തനം നടത്തി. ഫയര്‍ഫോഴ്‌സ് ക്രെയിന്‍ ഉപയോഗിച്ചാണ് അപകടത്തില്‍ തകര്‍ന്ന വാന്‍ മാറ്റിയത്.

- Advertisment -
Advertisment
Advertisment
- Advertisment -
- Advertisment -

Most Popular