തൊടുപുഴ : പെരുവന്താനത്തിന് സമീപം വളഞ്ഞാങ്ങാനത്ത് ശബരിമല തീര്ത്ഥാടകര് സഞ്ചരിച്ച വാഹനവും കെഎസ്ആര്ടിസി ബസും കൂട്ടിയിടിച്ച് അപകടം. സംഭവത്തില് 11 തീര്ത്ഥാടകര്ക്കും, ബസ് യാത്രക്കാരിയായ ഒരു സ്ത്രീക്കും പരുക്കേറ്റു. ഇന്ന് രാവിലെ 6:30 ഓടെയാണ് അപകടമുണ്ടായത്. തമിഴ്നാട്ടില് നിന്നുള്ള തീര്ത്ഥാടകരുടെ വാഹനമാണ് കെഎസ്ആര്ടിസിയുമായി കൂട്ടിയിടിച്ചത്.
കഴിഞ്ഞ ദിവസം പെരുവന്താനത്തിന് സമീപം അയ്യപ്പ ഭക്തര് സഞ്ചരിച്ച ബസും വാനും കൂട്ടിയിടിച്ച് രണ്ടു മരണം സഭവിച്ചിരുന്നു. ആന്ധ്രയില് നിന്ന് ശബരിമലയിലേയ്ക്കു വന്ന ഭക്തരാണ് മരണപ്പെട്ടത്. ഉറക്കം വന്ന് വാഹനം ഒടിക്കുന്നതും രാത്രിയും പുലര്ച്ചെയും പോലീസ് നിയന്ത്രണമില്ലാത്തിനാല് അമിത വേഗതയിലാകുന്നതും അപകടത്തിന് കാരണമാകുന്നു.
