ഡിണ്ടിഗല് : അര്ധരാത്രി കാറില് ട്രക്കിടിച്ച് ഗര്ഭിണിയായ പോലീസ് ഉദ്യോഗസ്ഥ മരിച്ചു. തമിഴ്നാട്ടിലെ കാട്ടുപുത്തൂര് വനിതാ പോലീസ് സ്റ്റേഷനിലെ ഉദ്യോഗസ്ഥ സുഗന്ധി (27) ആണ് മരിച്ചത്. ഇവര്ക്കൊപ്പം യാത്ര ചെയ്തിരുന്ന ഭര്ത്താവ് സതീഷ് കുമാറിനെ ഗുരുതര പരിക്കുകളോടെ ആശുപത്രിയില് പ്രവേശിപ്പിച്ചു. ഒമ്പത് മാസം ഗര്ഭിണിയായ സുഗന്ധി, പ്രസവത്തിനായി അമ്മയുടെ വീട്ടിലേക്ക് പോകുന്നതിനിടെയായിരുന്നു അപകടം. ഡിണ്ടിഗല് ജില്ലയിലെ വക്കംപട്ടിയിലേക്ക് യാത്രചെയ്യുന്നതിനിടെ ഡിണ്ടിഗല് – ബട്ലഗുണ്ടു റോഡില് എ.പി നഗറിനു സമീപമാണ് അപകടമുണ്ടായത്. സതീഷ് കുമാര് ഓടിച്ചിരുന്ന കാറുമായി ട്രക്ക് ലോറി കൂട്ടിയിടിക്കുകയായിരുന്നു. സുഗന്ധി സംഭവസ്ഥലത്തു തന്നെ മരിക്കുകയും ചെയ്തു.
