കോന്നി: കോന്നി സി.എഫ്.ആര്.ഡി കോളേജിലെ ജലസംഭരണിയിൽ ഉടുമ്പും പാമ്പും ചത്തുകിടന്ന സംഭവത്തില് അടിയന്തിര നടപടി സ്വീകരിക്കണമെന്ന് ആവശ്യപ്പെട്ട് എ.ഐ.എസ്.എഫ് കോന്നി മണ്ഡലം കമ്മിറ്റിയുടെ നേതൃത്വത്തിൽ കോളേജ് അധികൃതര്ക്ക് നിവേദനം നല്കി. എ.ഐ.എസ്.എഫ് ജില്ലാ കമ്മറ്റി അംഗം അമല് തണ്ണിത്തോട്, കോന്നി മണ്ഡലം പ്രസിഡന്റ് ജോബിന് ജോസ്, എ.ഐ.വൈ.എഫ് ജില്ലാ വൈസ് പ്രസിഡന്റ് വിനീത് കോന്നി എന്നിവരുടെ നേതൃത്വത്തിലാണ് നിവേദനം സമര്പ്പിച്ചത്.
പ്രശ്നങ്ങൾ അടിയന്തിരമായി പരിഹരിക്കണമെന്നും സംഭവത്തില് സമഗ്രമായ അന്വേഷണം നടത്തണമെന്നും എ.ഐ.എസ്.എഫ് കോന്നി മണ്ഡലം കമ്മറ്റി ആവശ്യപ്പെട്ടു. വിദ്യാര്ഥികള്ക്ക് ശുദ്ധജലം ലഭ്യമാക്കാന് സ്ഥിരം സംവിധാനം ഏര്പ്പെടുത്തണമെന്നും നിവേദനത്തില് ആവശ്യപ്പെട്ടു. ആവശ്യമായ നടപടികൾ സ്വീകരിക്കുമെന്നും ഇത്തരം സംഭവങ്ങള് ഇനി ഉണ്ടാകാതിരിക്കാനുള്ള നടപടികള് സ്വീകരിക്കുമെന്നും കോളേജ് പ്രിൻസിപ്പൽ നിവേദക സംഘത്തിന് ഉറപ്പു നൽകി.
