അയിരൂര് : മൺസൂൺ മത്സ്യ സമൃദ്ധി പ്രകാരം തിരുവല്ല മത്സ്യഭവന്റെ നേതൃത്വത്തിൽ റാന്നി അയിരൂര് പഞ്ചായത്തില് മത്സ്യകൃഷി വിളവെടുപ്പ് നടത്തി. ട്രോളിംഗ് നിരോധന കാലത്ത് മത്സ്യലഭ്യത ഉറപ്പുവരുത്തുന്നതിനും വിഷരഹിത മത്സ്യം ലഭ്യമാക്കുന്നതിനുമായി ജില്ലാ ഫിഷറീസ് വകുപ്പിന്റെ നേതൃത്വത്തിൽ നടപ്പിലാക്കുന്ന മൺസൂൺ മത്സ്യസമൃദ്ധി 2026 പരിപാടിയുടെ ഭാഗമായി അയിരൂര് ഗ്രാമപഞ്ചായത്തിലെ വര്ഗീസ് തയ്യിൽ എന്ന കർഷകന്റെ ജനകീയ മത്സ്യകൃഷി പദ്ധതിയിലുൾപ്പെട്ട പടുതാകുളം യൂണിറ്റിൽ ആണ് വിളവെടുപ്പ് നടന്നത്. ആസാം വാള മത്സ്യത്തിന്റെ വിളവെടുപ്പും വിൽപ്പനയും ആണ് നടന്നത്. വിളവെടുപ്പ് ഗ്രാമ പഞ്ചായത്ത് പ്രസിഡന്റ് സുരേഷ് കുഴിവേലിൽ ഉദ്ഘാടനം ചെയ്തു. ഗ്രാമ പഞ്ചായത്ത് അംഗങ്ങളായ രേണുക സജികുമാർ, ലിസി ശാമുവേൽ, മത്സ്യഭവൻ ഓഫീസർ ശില്പ പ്രദീപ്, കോർഡിനേറ്റർ സുനിത, അക്വാകൾച്ചർ പ്രൊമോട്ടർ പുഷ്പ ശശികുമാർ, സന്തോഷ് കുമാർ എന്നിവർ പങ്കെടുത്തു.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
