തിരുവല്ല : എം സി. റോഡിലെ ബൈപ്പാസ്സിലുള്ള ജംഗ്ഷനുകളിൽ എം എൽ എ ഫണ്ടിൽ നിന്നും ഹൈമാസ്ററ് ലൈറ്റുകൾ സ്ഥാപിക്കുന്നതിന് ഭരണാനുമതിയായതായി മാത്യു ടി തോമസ് എം എൽ എ അറിയിച്ചു. തിരുവല്ല ബൈപാസ് കടന്നു പോകുന്ന പ്രധാന ജംഗ്ഷനുകളായ മഴുവങ്ങാട് , പുഷ്പഗിരി, പ്രൈവറ്റ് ബസ് സ്റ്റാൻഡ് , റെയിൽവേ സ്റ്റേഷൻ റോഡ്, തിരുവല്ല – മല്ലപ്പള്ളി റോഡ്, രാമഞ്ചിറ എന്നിവിടങ്ങളിലാണ് ലൈറ്റുകൾ സ്ഥാപിക്കുന്നത്. 34. 28 ലക്ഷം ചെലവഴിച്ചു നടപ്പിലാക്കുന്ന ഈ പദ്ധതിയുടെ നിർവഹണ ചുമതല തദ്ദേശസ്വയംഭരണ വകുപ്പ് എഞ്ചിനീയറിംഗ് വിഭാഗം എക്സിക്യൂട്ടീവ് എൻജിനീയർക്കാണ്.
