പത്തനംതിട്ട: വിശ്വാസസംരക്ഷണത്തിന് പ്രതിബദ്ധതയുള്ള ഏക രാഷ്ട്രീയപ്രസ്ഥാനം ഇന്ത്യൻ നാഷണൽ കോൺഗ്രസ് മാത്രമാണെന്ന് ജില്ലാ കോൺഗ്രസ് കമ്മിറ്റി വൈസ് പ്രസിഡന്റ് അഡ്വ.വെട്ടൂർ ജ്യോതിപ്രസാദ് പറഞ്ഞു. കോൺഗ്രസ് വള്ളിക്കോട് മണ്ഡലം കമ്മിറ്റി നടത്തിയ കുറ്റ വിചാരണ യാത്രയുടെ സമാപന സമ്മേളനം ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം. സംസ്ഥാന ഭരണം കയ്യാളുന്ന സിപിഎമ്മിനോ, കേന്ദ്രം ഭരിക്കുമ്പോൾ അമ്മമാരെയടക്കം ഇറക്കി നാപജപ യാത്ര നടത്തുന്ന സംഘപരിവാർ സംഘടനകൾക്കോ ഇക്കാര്യത്തിൽ ഒന്നും ചെയ്യാൻ സാധിക്കുകയില്ലെന്നും ശബരിമല സ്ത്രീ പ്രവേശനസമയത്ത് പാർലമെന്റിൽ എൻ കെ പ്രേമചന്ദ്രൻ കൊണ്ടുവന്ന ആചാര സംരക്ഷണ ബില്ലിൽ ഒളിച്ചു കളിച്ചവരാണ് ബിജെപിയെന്നും വെട്ടൂര് ജ്യോതി പ്രസാദ് പറഞ്ഞു.
മണ്ഡലം പ്രസിഡന്റ് പ്രൊഫ. ജി ജോൺ അധ്യക്ഷത വഹിച്ചു. ഡിസിസി ജനറൽ സെക്രട്ടറി സജികോട്ടക്കാട്, ബീന സോമൻ, സുഭാഷ് നടുവിലേതിൽ, ആൻസി വർഗീസ്, പദ്മാ ബാലൻ, മണ്ഡലം ബ്ലോക്ക് ഭാരവാഹികൾ, ഏ ബി രാജേഷ്, സാംകുട്ടി പുളിക്കത്തറയിൽ, വർഗീസ് കുത്തുകല്ലുംപാട്ട്, ജോർജ് വർഗീസ്, ബാബു നാലാം വേലിൽ, തോമസ് തോളൂർ, എം കെ സത്യൻ, ഹരികുമാർ താഴേതിൽ, കേണൽ ഉണ്ണികൃഷ്ണൻ നായർ, പരമേശ്വരൻ നായർ, എബ്രഹാം എം ജോർജ്, കോശി കുഞ്ഞു അയ്യനേത്ത്, ജയ്സി കോശി, മഹിളാ കോൺഗ്രസ് ജില്ലാ സെക്രട്ടറി റോസമ്മ ബാബുജി, ബിജു വർഗീസ്, ജോസ് ചെറുവാഴത്തടത്തിൽ, സോമനാഥൻ നായർ, മധുസൂദനൻ കർത്താ, പ്രസാദ് തെരുവിൽ, പൊന്നച്ചൻ എന്നിവർ സംസാരിച്ചു.
