കാസര്കോട്: എംസി കമറുദ്ദീന് എംഎല്എക്കെതിരെ രണ്ട് കേസ് കൂടി രജിസ്റ്റര് ചെയ്തു. കേസെടുത്തത് മാട്ടൂല് സ്വദേശികളുടെ പരാതിയില് പയ്യന്നൂര് പോലീസാണ്. പരാതി, മാട്ടൂല് സ്വദേശി മൊയ്തുവിന്റെ കയ്യില് നിന്നും 17 ലക്ഷവും അബ്ദുള് കരീമിന്റെ കയ്യില് നിന്നും 30 ലക്ഷം രൂപയും തട്ടിച്ചെന്നാണ്. എംസി കമറുദ്ദീന് എംഎല്എക്കെതിരെ ഉള്ള കേസുകളുടെ ഇതോടെ എണ്ണം 89 ആയി.
സര്ക്കാര് ഇന്നലെ ഫാഷന് ഗോള്ഡ് തട്ടിപ്പില് എംസി കമറുദ്ദീനിനെതിരായ കേസ് റദ്ദാക്കാന് ആകില്ലെന്ന് ഹൈക്കോടതിയില് അറിയിച്ചിരുന്നു. ജ്വല്ലറിയുടെ പേരില് നടത്തിയത് വ്യാപക തട്ടിപ്പാണെന്നും നിരവധി ആളുകളുടെ പണം നഷ്ടമായിട്ടുണ്ടെന്നും തട്ടിയ പണം എവിടേക്ക് പോയെന്ന് കണ്ടെത്താന് അന്വേഷണം നടക്കുകയാണെന്നും ഹൈക്കോടതിയെ സര്ക്കാര് അറിയിച്ചിരുന്നു. കേസ് റദ്ദാക്കിയാല് ഈ ഘട്ടത്തില് അന്വേഷണം അട്ടിമറിക്കപ്പെടുമെന്നും സര്ക്കാര് നല്കിയ എതിര് സത്യവാങ്മൂലത്തില് വ്യക്തമാക്കുന്നു. എം.സി കമറുദ്ദീന് വഞ്ചനാ കേസ് റദ്ദാക്കണമെന്നാവശ്യപ്പെട്ട് നല്കിയ ഹര്ജിയിലാണ് സര്ക്കാര് നിലപാടറിയിച്ചത്.
