ചണ്ഡീഗഢ് : ഇന്ത്യന്‍ വ്യോമസേനയുടെ മിഗ് -29 യുദ്ധവിമാനം പഞ്ചാബിലെ ഹോഷിയാര്‍പുര്‍ ജില്ലയ്ക്ക് സമീപം തകര്‍ന്നുവീണു. ജലന്ധറിനടുത്തുള്ള വ്യോമസേന താവളത്തിലെ പരിശീലന ദൗത്യത്തിനിടെയാണ് മിഗ് -29 വിമാനം അപകടത്തില്‍പ്പെട്ടത്. ചുഹാന്‍പൂരിലെ കൃഷിയിടത്തിലേക്കാണ് വിമാനം തകര്‍ന്നു വീണത്‌. വിമാനത്തിന്റെ നിയന്ത്രണം നഷ്ടമായതോടെ പാരച്യൂട്ട് ഉപയോഗിച്ച്‌ പുറത്തേക്ക് ചാടിയ പൈലറ്റിനെ വ്യോമസേന ഹെലികോപ്റ്ററിലെത്തി രക്ഷിക്കുകയായിരുന്നു. സംഭവത്തില്‍ അന്വേഷണത്തിന് ഉത്തരവിട്ടിട്ടുണ്ട്.
