പൂനെ: എയര് ഇന്ത്യ വിമാനം ഡല്ഹി വിമാനത്താവളത്തില് അടിയന്തരമായി തിരിച്ചിറക്കി. 180 യാത്രക്കാരുമായി പറന്നുയര്ന്ന പൂനെ-ഡല്ഹി വിമാനത്തിന്റെ വിന്ഡ്ഷീല്ഡില് വിള്ളലുണ്ടെന്ന സംശയത്തെ തുടര്ന്നാണിത്. വൈകുന്നേരം 5:50 നാണ് വിമാനം ടേക്ക് ഓഫ് ചെയ്തത്. എന്നാല് വിന്ഡ്ഷീല്ഡില് വിള്ളലുണ്ടെന്ന പൈലറ്റിന്റെ സംശയത്തെ തുടര്ന്ന് ഉടന് തിരിച്ചിറക്കുകയായിരുന്നു. ലാന്ഡിംഗ് സമയത്ത് ഒരു ചെറിയ വിള്ളല് കണ്ടെത്തിയെന്നും, വിന്ഡ്ഷീല്ഡ് മാറ്റിസ്ഥാപിക്കുമെന്നും എയര് ഇന്ത്യ അറിയിച്ചു.
പൂനെയില് നിന്ന് പുറപ്പെട്ട വിമാനം സുരക്ഷിതമായി ലാന്ഡ് ചെയ്തതായാണ് റിപ്പോര്ട്ടുകള്. അതേസമയം, എയര് ഇന്ത്യ പൈലറ്റുമാരുടെയും ക്യാബിന് ക്രൂവിന്റെയും ശമ്പള ഘടനയും പരിഷ്കരിച്ചു. അതില് പൈലറ്റുമാരുടെ ഒരു മണിക്കൂര് വിമാന നിരക്ക് പരിഷ്ക്കരണം ഉള്പ്പെടുന്നു. പുതിയ ഘടന പ്രകാരം, ഒരു ട്രെയിനി പൈലറ്റിന്റെ ശമ്പളം ഇപ്പോള് 50,000 രൂപയും ഒരു സീനിയര് കമാന്ഡര്ക്ക് പ്രതിമാസം 8.50 ലക്ഷം രൂപയും ലഭിക്കും. കൂടാതെ ഗ്യാരണ്ടീഡ് ഫ്ലൈയിംഗ് അലവന്സ് ഘടകം നിലവിലെ 20 മണിക്കൂറില് നിന്ന് 40 മണിക്കൂറായി ഇരട്ടിയാക്കി.
