കൊച്ചി : നഗരത്തില് പെറ്റി കേസുകളുടെ എണ്ണം കൂട്ടാന് ഡിസിപി ഐശ്വര്യ ദോഗ്രെ നിര്ദേശം നല്കിയതായി റിപ്പോര്ട്ടുകള്. ഡിസിപിയുടെ പേരില് കണ്ട്രോള് റൂമില് നിന്ന് സ്റ്റേഷനുകളിലേക്ക് സന്ദേശം അയച്ചു. വയര്ലസ് സന്ദേശത്തിന്റെ പകര്പ്പ് ഒരു സ്വകാര്യ ചാനല് പുറത്തുവിട്ടിട്ടുണ്ട്.
പെറ്റി കേസുകള് എടുക്കുന്നതില് പല സ്റ്റേഷനുകളും പിന്നിലാണെന്ന് ഡിസിപി വിമര്ശിക്കുന്നു. പോലീസിന്റെ പരിശോധന അതിരുകടക്കുകയാണെന്ന് നേരത്തെ വിമര്ശനം ഉയര്ന്നിരുന്നു. പരിശോധനയുടെ പേരും പറഞ്ഞ് ജനങ്ങളെ പിഴിയുകയാണെന്ന വിമര്ശനങ്ങള്ക്കിടെയാണ് ഡിസിപിയുടെ നിര്ദേശം. പെറ്റി കേസുകളുടെ എണ്ണം കൂട്ടുന്നതിനൊപ്പം ഒരോ സ്റ്റേഷനും ചുരുങ്ങിയത് പത്ത് കേസെങ്കിലും സ്വമേധയാ രജിസ്റ്റര് ചെയ്യണമെന്ന് നിര്ദേശവും നിലവിലുണ്ടെന്ന് പോലീസുകാര് പറഞ്ഞതായും ചാനല് റിപ്പോര്ട്ട് ചെയ്യുന്നു.