തിരുവനന്തപുരം : പിടികൂടിയ ആള്പ്രതിയല്ല പ്രതിയാക്കാന് കോണ്ഗ്രസ്സുകാരെയും കിട്ടിയില്ല. എ.കെ.ജി സെന്റര് ബോംബാക്രമണത്തില് പ്രതിയെ കിട്ടാതെ നട്ടം തിരിഞ്ഞ് പോലീസ്. എകെജി സെന്ററില് ആക്രമണം നടന്ന് 60 മണിക്കൂറിനോട് അടുക്കുമ്പോഴും പ്രതിയിലേക്ക് വിരല്ചൂണ്ടുന്ന കൃത്യമായ സൂചനകളൊന്നും കിട്ടാതെ പോലീസ്.
സിസിടിവി ദൃശ്യങ്ങളില് കുന്നുകുഴി ഭാഗത്തേക്ക് പോയ ചുവന്ന സ്കൂട്ടറുകാരന് അക്രമിയല്ലെന്ന് പോലീസ് തിരിച്ചറിഞ്ഞിട്ടുണ്ട്. ഇയാള് നഗരത്തില് തട്ടുകട നടത്തുന്നയാളാണ്. അക്രമം നടക്കുന്നതിന് മുന്പും രണ്ടുവട്ടം ഇതേ സ്കൂട്ടര് ഇയാള് എകെജി സെന്റര് വഴി കടന്നുപോയിരുന്നു. സിസിടിവി കേന്ദ്രീകരിച്ച് ഇതുവരെ നടത്തിയ അന്വേഷണത്തില് യാതൊരു ഫലവും ലഭിക്കാതെ നിലവില് പോലീസ് അന്വേഷണം വഴിമുട്ടുന്ന സ്ഥിതിയാണ്. സ്ഥലത്ത് അന്നേരമുണ്ടായിരുന്നവരുടെ ഫോണ്വിളികള് പോലീസ് പരിശോധിക്കുകയാണ്.
മൊബൈല് ടവര് കേന്ദ്രീകരിച്ച് അന്വേഷണത്തില് പ്രതിയെ കണ്ടെത്താനാകുമെന്നാണ് പോലീസ് പ്രതീക്ഷിക്കുന്നത്. മുന്പ് എകെജി സെന്ററിലേക്ക് കല്ലെറിയുമെന്ന് ഫേസ്ബുക്ക് പോസ്റ്റ് ഇട്ടതിന് അറസ്റ്റിലായയാള്ക്ക് ആക്രമണവുമായി ബന്ധമില്ലെന്ന് തെളിഞ്ഞു. എന്നാല് പോസ്റ്റിട്ടതിന് അന്തിയൂര്കോണം സ്വദേശി റിച്ചു സച്ചുവിനെതിരെ കലാപാഹ്വാനം അടക്കം ജാമ്യമില്ലാവകുപ്പ് ചുമത്തിയാണ് അറസ്റ്റ് ചെയ്തത്.
