അലഹബാദ്: വിവാഹിതയായ യുവതിയുടെ ലിവ് ഇൻ ബന്ധത്തിന് സംരക്ഷണം നിഷേധിച്ച് അലഹബാദ് ഹൈകോടതി. യുവതി ഇപ്പോഴും വിവാഹിതയായതുകൊണ്ട് മറ്റൊരു ബന്ധത്തിന് നിയമപരമായ സംരക്ഷണം നൽകാനാവില്ലെന്ന് വ്യക്തമാക്കിക്കൊണ്ടാണ് കോടതിയുടെ നടപടി. വ്യക്തിസ്വാതന്ത്ര്യം മറ്റൊരാളുടെ നിയമപരമായ അവകാശത്തെ മറികടക്കില്ലെന്നും ആദ്യം വിവാഹമോചനം നേടുകയാണ് വേണ്ടതെന്നും കോടതി പറഞ്ഞു. ലിവ്-ഇന് റിലേഷന്ഷിപ്പില് കഴിയുന്ന ദമ്പതികള് നിയമ സംരക്ഷണം ആവശ്യപ്പെട്ട് നല്കിയ ഹർജി പരിഗണിച്ചുകൊണ്ടാണ് ഹൈകോടതിയുടെ നിരീക്ഷണം. ജസ്റ്റിസ് വിവേക് കുമാര് സിങ്ങാണ് ഹർജി പരിഗണിച്ചത്. സ്ത്രീ ഇപ്പോഴും വിവാഹിതയാണെന്നും അങ്ങനെയിരിക്കെ മറ്റൊരു ബന്ധത്തിന് നിയമപരമായ സംരക്ഷണം നല്കേണ്ടതില്ലെന്നും കോടതി പറയുന്നു.
ഹിന്ദു വിവാഹ നിയമപ്രകാരമാണ് യുവതിയുടെ വിവാഹം രജിസ്റ്റര് ചെയ്തിരിക്കുന്നതെന്നും കോടതി ചൂണ്ടിക്കാട്ടി. നവംബര് ഏഴിന് പുറപ്പെടുവിച്ച ഉത്തരവില് ദമ്പതികള്ക്ക് സംരക്ഷണം നല്കാന് പോലീസിന് നിര്ദേശമുണ്ടായിരുന്നു. ഈ ഉത്തരവ് ലിവ്-ഇന് ബന്ധങ്ങള്ക്ക് പരോക്ഷമായി നമ്മള് സമ്മതം നല്കുന്നതിന് തുല്യമാകുമെന്നും കോടതി പറഞ്ഞു. ഭര്ത്താവും പോലീസും തങ്ങളുടെ സമാധാനപരമായ ജീവിതത്തില് ഇടപെടുന്നത് തടയണമെന്നും സംരക്ഷണം നല്കണമെന്നും ആവശ്യപ്പെട്ടായിരുന്നു യുവതിയുടെ ഹർജി.
