തിരുവനന്തപുരം: മകന് 18 വയസ് മുതല് മോഷണ കേസുകളില് പ്രതിയായിട്ടുണ്ടെന്ന് ആലുവ ബലാത്സംഗക്കേസിലെ പ്രതി ക്രിസ്റ്റിലിന്റെ അമ്മ. കഴിഞ്ഞ ഒന്നര വര്ഷമായി ക്രിസ്റ്റില് വീട്ടുവിട്ട് പോയതാണ്. ഇടയ്ക്കിടെ വീട്ടില് നിന്നിറങ്ങിപ്പോവും. രാത്രി പോവുമ്പോള് എവിടേക്കാണെന്ന് ചോദിക്കാറുണ്ട്. രാവിലെ തിരിച്ചുവരും. എന്ത് ചോദിച്ചാലും മറുപടി പറയാറില്ല. കതകടച്ച് വീടിനുള്ളില് കയറിക്കിടക്കുമെന്നും അമ്മ പറയുന്നു. ‘എന്തിനാണ് മദ്യപിച്ചതെന്ന് ചോദിക്കുമ്പോള് ചീത്ത വിളിക്കും. വലുതാവുമ്പോള് സന്താേഷിക്കാമെന്ന് കരുതി. ക്രിസ്റ്റില് എന്നാണ് പേര്. പത്തനംതിട്ടയില് ജോലിക്ക് പോയതാണ്. 18 വയസ് കഴിഞ്ഞപ്പോള് കൂട്ടുകൂടി മൊബൈല് മോഷണം ഉള്പ്പെടെ നടത്തിയിരുന്നു’- ക്രിസ്റ്റിലിന്റെ അമ്മ പറഞ്ഞു.
ആലുവയില് ഇതര സംസ്ഥാന തൊഴിലാളികളുടെ മകളെ ക്രൂരമായി ബലാത്സഗം ചെയ്ത കേസില് തിരുവനന്തപുരം സ്വദേശി ക്രിസ്റ്റിലാണ് പിടിയിലായത്. ആലുവയിലെ ബാറില് നിന്നാണ് പ്രതിയെ പിടികൂടിയത്. 2022 നവംബറില് പെരുമ്പാവൂരില് മോഷണ കേസില് ഇയാള് പിടിയിലായിരുന്നു. ഈ കേസില് ശിക്ഷ കഴിഞ്ഞ് മാസം 10നാണ് ഇയാള് വിയൂര് ജയിലില് നിന്നും പുറത്തിറങ്ങിയത്. സിസിടിവി ദൃശ്യങ്ങളിലൂടെയാണ് പ്രതിയെ തിരിച്ചറിഞ്ഞത്.