പത്തനംതിട്ട : ഇന്ത്യയുടെ ബഹുസ്വരതയുടെ അടിസ്ഥാനം ഭരണഘടനയാണെന്നും അതിനെ അപ്രസക്തമാക്കാനുള്ള ഓരോ നീക്കവും ഇന്ത്യ എന്ന ആശയത്തെയാണ് ഇല്ലാതാക്കുന്നതെന്നും എൻ സി പി ജില്ലാ വൈസ് പ്രസിഡൻറ് എം. മുഹമ്മദ് സാലി പറഞ്ഞു. നാഷണലിസ്റ്റ് എസ് എസ് ./ എസ്.റ്റി കോൺഗ്രസ് ജില്ലാ കമ്മിറ്റിയുടെ നേതൃത്വത്തിൽ ഡോക്ടർ അംബേദ്കർ ദിന അനുസ്മരണം ഉദ്ഘാടനം ചെയ്യുകയായിരുന്നു അദ്ദേഹം. നാഷണലിസ്റ്റ് എസ്. സി / എസ് .റ്റി കോൺഗ്രസ് ജില്ലാ പ്രസിഡൻറ് പി .കെ മുരളീദാസ് അധ്യക്ഷത വഹിച്ചു. മാത്തൂർ സുരേഷ്, ദാമോദരൻ ഓമല്ലൂർ, രാജു ഉളനാട് , കെ. ജി റോയ്, വാഴമുട്ടം മോഹനൻ, ശരണ്യ, സുജാത , റെജി വി.കെ, ജയൻ റാന്നി എന്നിവർ സംസാരിച്ചു.
