തൃശൂര്: റിമാന്റ് പ്രതി ഷെമീറിന്റെ മരണത്തില് ആറ് ജയില് ഉദ്യോഗസ്ഥര് അറസ്റ്റില്. അമ്പിളിക്കല കോവിഡ് സെന്ററില് ഡ്യൂട്ടിയിലുണ്ടായിരുന്ന ഉദ്യോഗസ്ഥരെയാണ് ക്രൈംബ്രാഞ്ച് കൊലക്കുറ്റം ചുമത്തി അറസ്റ്റ് ചെയ്തത്.
കഞ്ചാവ് കേസിലെ പ്രതിയായ ഷെമീര് മരിച്ച് ഒരു മാസം പിന്നിടുമ്ബോഴാണ് കേസില് ആറ് പേര് അറസ്റ്റിലാകുന്നത്. നേരത്തെ പോലീസ് അന്വേഷിച്ചിരുന്ന കേസ് പിന്നീട് ക്രൈംബ്രാഞ്ചിന് കൈമാറുകയായിരുന്നു.
ജില്ലാ ജയിലിലെ അസിസ്റ്റന്റ് പ്രിസണ് ഓഫീസര് അരുണ്, അസിസ്റ്റന്റ് പ്രിസണ് ഓഫീസര്മാരായ വിവേക്, രമേശ്, പ്രദീപ്, ഡെപ്യൂട്ടി പ്രിസണ് ഓഫീസര് സുഭാഷ്, അസിസ്റ്റന്റ് ജയില് സൂപ്രണ്ട് രാഹുല് എന്നിവരെയാണ് ക്രൈംബ്രാഞ്ച് അറസ്റ്റ് ചെയ്തത്.
