കൊല്ലം : പുനലൂരിലെ പെട്രോള് പമ്ബില് ആംബുലന്സ് ഡ്രൈവര്ക്ക് ക്രൂരമര്ദനമേറ്റ സംഭവത്തില് യുവാവ് അറസ്റ്റില്. വിശാഖ് എന്നയാളാണ് അറസ്റ്റിലായത്. മുന്വൈരാഗ്യമാണ് ആക്രമണത്തിന് കാരണമെന്നാണ് പോലീസിന്റെ കണ്ടെത്തല്. പുനലൂര് താലൂക് ആശുപത്രിയിലെ ആംബുലന്സ് ഡ്രൈവറായ മിറാഷിനെ കഴിഞ്ഞ ശനിയാഴ്ച പമ്പില്വച്ച് അക്രമിക്കുകയായിരുന്നുവെന്നാണ് പരാതി.
വാഹനത്തില് ഇന്ധനം നിറയ്ക്കുന്നതിനിടയില് പിറകില് നിന്നും ഓടിയെത്തിയ പ്രതി യുവാവിനെ മര്ദിക്കുകയായിരുന്നെന്ന് പോലീസ് പറഞ്ഞു. പമ്പിലെ സിസിടിവി ദൃശ്യങ്ങളില് നിന്നും വിശാഖാണ് ആക്രമിച്ചതെന്നും കണ്ടെത്തുകയായിരുന്നു. തുടര്ന്ന് പ്രതിയെ വാളക്കോട് നിന്നാണ് പിടികൂടിയത്. അക്രമത്തിന് കാരണം മുന് വൈരാഗ്യമാണെന്ന് പോലീസ് പറഞ്ഞു. മര്ദനത്തില് ഗുരുതരമായി പരിക്കേറ്റ ആംബുലന്സ് ഡ്രൈവര് പുനലൂര് താലൂക് ആശുപത്രിയില് ചികിത്സയില് തുടരുകയാണ്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.