ബാഗ്ദാദ് : ഇറാഖിൽ അമേരിക്ക നടത്തിയ വ്യോമാക്രമണത്തിൽ ഇറാൻ അനുകൂല ഭീകരസംഘടനയിലെ മുതിർന്ന കമാൻഡർ കൊല്ലപ്പെട്ടു. അബുബക്കർ അൽ-സാദി എന്നയാളാണ് കൊല്ലപ്പെട്ടതെന്ന് കതാബ് ഹിസ്ബുള്ളയുടെ അംഗം സ്ഥിരീകരിച്ചു. യുഎസ് സേനയ്ക്കെതിരായ ആക്രമണങ്ങൾ നേരിട്ട് ആസൂത്രണം ചെയ്യുന്നതിനും അതിൽ പങ്കെടുക്കുന്നതിനും ഉത്തരവാദിയായ ഒരു കതാബ് ഹിസ്ബുള്ള കമാൻഡർ ആക്രമണത്തിൽ കൊല്ലപ്പെട്ടുവെന്നും മറ്റ് നാശനഷ്ടങ്ങളൊന്നുമില്ലെന്നും യുഎസ് സെൻട്രൽ കമാൻഡ് (സെന്റ്കോം) അറിയിച്ചു.
കിഴക്കൻ ബാഗ്ദാദിന്റെ സമീപപ്രദേശമായ മച്ചലിൽ നടത്തിയ ആക്രമണത്തിൽ രണ്ട് കതാബ് ഹിസ്ബുള്ള നേതാക്കളും അവരുടെ ഡ്രൈവറും മരിച്ചതായി ആഭ്യന്തര മന്ത്രാലയ ഉദ്യോഗസ്ഥൻ വ്യക്തമാക്കി.
