തിരുവനന്തപുരം : കേന്ദ്ര ആഭ്യന്തര മന്ത്രി അമിത് ഷാ ഇന്ന് തിരുവനന്തപുരത്ത് എത്തും. വൈകുന്നേരം അഞ്ചു മണിക്ക് തിരുവനന്തപുരം വിമാനത്താവളത്തിലാണ് അമിത് ഷായെത്തുന്നത്.നാളെ നടക്കുന്ന ദക്ഷിണേന്ത്യന് സംസ്ഥാനങ്ങളുടെ സോണല് യോഗത്തില് അദ്ദേഹം പങ്കെടുക്കും. ആലപ്പുഴയിലെ നെഹ്റു ട്രോഫി വള്ളംകളി ഉദ്ഘാടനം ചെയ്യാന് സംസ്ഥാന സര്ക്കാര് ക്ഷണിച്ചുവെങ്കിലും അമിത് ഷാ പങ്കെടുക്കില്ല.
നാളെ രാവിലെ 10.30ന് കോവളം ലീലാ റാവിസില് നടക്കുന്ന ദക്ഷിണേന്ത്യന് സോണല് യോഗം അമിത് ഷാ ഉദ്ഘാടനം ചെയ്യും. ദക്ഷിണേന്ത്യന് മുഖ്യമന്ത്രിമാരും ഉദ്യോഗസ്ഥരും യോഗത്തില് പങ്കെടുക്കും. ഇതിനുശേഷം വൈകുന്നേരം കഴക്കൂട്ടം അല്-സാജ് കണ്വെന്ഷന് സെന്ററില് പട്ടിക ജാതി മോര്ച്ച സംഘടിപ്പിക്കുന്ന പട്ടിക ജാതി സംഗമവും ഉദ്ഘാടനം ചെയ്യും. തിരുവനന്തപുരം ജില്ലാ ഭാരവാഹികളുടെ കോര് കമ്മിറ്റി യോഗത്തിലും അമിത് ഷാ പങ്കെടുത്ത ശേഷമായിരിക്കും ഡല്ഹിയിലേക്ക് മടങ്ങുക.
