റാന്നി: ചെട്ടിമുക്ക് – വലിയകാവ് റോഡില്‍ ചിറയ്ക്കല്‍പടി ജംങ്ഷനില്‍ ഓട്ടോറിക്ഷയും കാറും കൂട്ടിയിടിച്ചു. ഇന്ന് ഉച്ചകഴിഞ്ഞ് രണ്ടരമണിയോടെ ചരുവില്‍പടിയിലാണ് അപകടം നടന്നത്. യാത്രക്കാര്‍ക്ക് ആര്‍ക്കും പരിക്കില്ല. വാഹനങ്ങള്‍ക്ക് കേടുപാടുകള്‍ സംഭവിച്ചു. റോഡിന് ഇവിടെ വീതികുറവും വളവുമാണ്. നാട്ടുകാര്‍ നിരന്തരം അഭ്യര്‍ത്ഥിച്ചിട്ടും വസ്തു വിട്ടു തരാന്‍ ഉടമകള്‍ തയ്യാറാകാത്തതിനാല്‍ വീതി വര്‍ദ്ധിപ്പിക്കാന്‍ കഴിയാത്തതാണ് അപകടം നിരന്തരം ഉണ്ടാകാന്‍ കാരണമെന്ന് നാട്ടുകാര്‍ പറഞ്ഞു.
