ബെംഗളൂരു: ഐ.ടി. കമ്പനി ഉടമയുടെ മകനെ തട്ടിക്കൊണ്ടുപോയി 15 ലക്ഷം രൂപ മോചനദ്രവ്യം വാങ്ങി. സംഭവത്തില് ബിരുദവിദ്യാര്ഥിയും സുഹൃത്തും അറസ്റ്റില്. ചിക്കബെല്ലാപുര സ്വദേശിയും വിദ്യാര്ഥിയുമായ സുനില് കുമാര് (21), സുഹൃത്ത് ചിക്കബെല്ലാപുര മണ്ഡികല് സ്വദേശി നാഗേഷ് എന്നിവരാണ് അറസ്റ്റിലായത്. ചോദ്യം ചെയ്യലില് കോളേജില് ഫീസടയ്ക്കാന് മാര്ഗമില്ലാത്തതിനാലാണ് കുട്ടിയെ തട്ടിക്കൊണ്ടുപോയതെന്ന് ഇവര് പോലീസിനോട് പറഞ്ഞു.
ഈ മാസം രണ്ടിനാണ് സംഭവം. തനിസാന്ദ്ര സ്വദേശിയായ ഐ.ടി. കമ്പനി ഉടമയുടെ 14-കാരനായ മകനെയാണ് ഇരുവരും തട്ടിക്കൊണ്ടുപോയത്. വീട്ടിലുണ്ടായിരുന്ന കാറും തട്ടിയെടുത്തിരുന്നു. കുട്ടിയുടെ ഫോണില് അച്ഛനെ വിളിച്ച് 15 ലക്ഷം രൂപ മോചനദ്രവ്യമായി ആവശ്യപ്പെടുകയും ഒടുവില് പണംനല്കി പിതാവ് കുട്ടിയെ മോചിപ്പിക്കുകയായിരുന്നു. ഇവരില്നിന്ന് 9 ലക്ഷം രൂപയും പിടിച്ചെടുത്തു.
