തിരുവനന്തപുരം : തിരുവനന്തപുരം മെഡിക്കല് കോളേജിലെ ലാസ്റ്റ് ഗ്രേഡ് ജീവനക്കാരനെ ഫ്ലാറ്റിനുള്ളില് ജീവനൊടുക്കിയ നിലയില് കണ്ടെത്തി. തിരുവനന്തപുരം കല്ലിയൂര് സ്വദേശി സോമന്റെ മകന് ശ്രീകുമാര് (30) ആണ് മരിച്ചത്. തിങ്കളാഴ്ച രാവിലെ ഒമ്പതോടു കൂടിയാണ് മെഡിക്കല് കോളേജിന് സമീപത്ത് ഇയാള് താമസിക്കുന്ന ഫ്ലാറ്റിനുള്ളില് തൂങ്ങി മരിച്ച നിലയില് കണ്ടെത്തിയത്.
എട്ടുമാസം മുമ്പാണ് ശ്രീകുമാര് ഫ്ലാറ്റില് താമസത്തിന് എത്തിയത്. കഴിഞ്ഞ 10 വര്ഷമായി മെഡിക്കല് കോളേജിലെ താത്കാലിക ജീവനക്കാരനാണ് ശ്രീകുമാര്. മൃതദേഹം പോലീസ് നടപടികള്ക്കും പോസ്റ്റ് മോര്ട്ടത്തിനും ശേഷം ബന്ധുക്കള്ക്ക് വിട്ടുനല്കി. സംഭവത്തില് പോലീസ് കേസെടുത്തു.
