കോന്നി : ബസ് കയറാൻ ശ്രമിക്കുന്നതിനിടയിൽ മൂടി ഇല്ലാത്ത ഓടയിൽ വീണ് വൃദ്ധന് പരിക്കേറ്റു. ആരുവാപ്പുലം മാതരംപള്ളിയിൽ വീട്ടിൽ കുഞ്ഞുമോൻ (76) നാണ് പരിക്കേറ്റത്. വൈകീട്ട് ഏഴുമണിയോടെ അരുവാപ്പുലം കൊല്ലൻപടിയിൽ ബസ്സ് കയറാൻ ഓടക്ക് മുകളിൽ കൂടി നടന്ന് വന്നിരുന്ന വൃദ്ധൻ കാൽ വഴുതി പുനലൂർ മൂവാറ്റുപുഴ സംസ്ഥാന പാതയുടെ ഭാഗമായി നിർമ്മിച്ച മൂടി ഇല്ലാത്ത ഓടയിൽ വീഴുകയായിരുന്നു.
നല്ല മഴ ആയിരുന്നതിനാൽ മൂടി ഇല്ലാത്തത് ശ്രദ്ധയിൽ പെട്ടില്ല.തുടർന്ന് ബസ്സ് ജീവനക്കാർ തന്നെ ഇയാളെ കോന്നി താലൂക് ആശുപത്രിയിൽ എത്തിച്ചു. പരിശോധനയിൽ ഇയാളുടെ ഇടുപ്പെല്ലിന് പൊട്ടൽ സംഭവിച്ചിട്ടുണ്ട് എന്ന് കണ്ടെത്തുകയും വിദഗ്ധ ചികിത്സക്കായി കോട്ടയം മെഡിക്കൽ കോളേജ് ആശുപത്രിയിലേക്ക് കൊണ്ടുപോകുമെന്നും ആരോഗ്യ താലൂക് ആശുപത്രി അധികൃതർ അറിയിച്ചു.
