പാലക്കാട് : അനസ് കൊലപാതകത്തില് രണ്ട് പ്രതികളും അറസ്റ്റില്. മുഖ്യപ്രതി ഫിറോസിന്റെ സഹോദരന് റഫീഖിനെ ഇന്നലെ രാത്രി പോലീസ് അറസ്റ്റ് ചെയ്തു.
റഫീഖിന്റെ പങ്ക് ചോദ്യം ചെയ്യലിലൂടെ ബോധ്യപ്പെട്ട ശേഷമാണ് പോലീസ് നീക്കം.
വിക്ടോറിയ കോളേജിന് മുന്നില്വെച്ച് അനസിനെ മര്ദ്ദിക്കുന്ന സിസിടിവി ദൃശ്യങ്ങളില് പ്രതി ഫിറോസിന്റെ സഹോദരന് റഫീഖിനെയും വ്യക്തമായി കാണാം. എന്നാല് റഫീഖ് ബൈക്കില് നിന്ന് ഇറങ്ങുന്നതിന് മുന്പേ ഫിറോസ് ബാറ്റ് കൊണ്ട് അനസിനെ തല്ലി വീഴ്ത്തുന്നുമുണ്ട്.
ഈ സാഹചര്യത്തിലാണ് റഫീഖിനെതിരെ ആദ്യഘട്ടത്തില് നടപടിക്ക് പോലീസ് സംശയിച്ചത്. എന്നാല് ഫിറോസിനെ വിശദമായി ചോദ്യം ചെയ്തതില് നിന്ന് റഫീഖിന്റെ പങ്ക് വ്യക്തമാകുകയും പോലീസ് പ്രതിയെ അറസ്റ്റ് ചെയ്യുകയുമായിരുന്നു. തലക്കടിയേറ്റ് ബോധരഹിതനായ അനസിനെ ഇരുവരും ചേര്ന്നാണ് ആശുപത്രിയിലെത്തിച്ചത്. ആശുപത്രി അതികൃതരോട് അനസിന് ഓട്ടോറിക്ഷ അപകടത്തില്പ്പെട്ട് പരിക്കേറ്റെന്ന് പറഞ്ഞതും റഫീഖ് ആയിരുന്നു. റഫീഖിനെ അന്വേഷണസംഘം ഇന്ന് സംഭവസ്ഥലത്തെത്തിച്ച് തെളിവെടുക്കും. ഇന്ന് തന്നെ പ്രതിയെ കോടതിയിലും ഹാജരാക്കും.
