കൊച്ചി : മോഡലുകളുടെ മരണത്തില് ദുരൂഹത നീക്കണമെന്ന് അന്സി കബീറിന്റെ ബന്ധുക്കള്. സി.സി.ടി.വി ദൃശ്യങ്ങള് നശിപ്പിച്ചത് എന്തിനെന്ന് അന്വേഷിക്കണം. അന്വേഷണത്തിലൂടെ കൂടുതല് കാര്യങ്ങള് പുറത്തുവരണമെന്നും ബന്ധുക്കള് ആവശ്യപ്പെട്ടു. അതിനിടെ, അപകട മരണത്തില് നമ്പര് 18 ഹോട്ടല് ഉടമ റോയ് വയലാട്ടിനെ ഹോട്ടലില് എത്തിച്ച് പോലീസിന്റെ തെളിവെടുപ്പ് നടത്തി.
റോയ് ഇതുവരെ പോലീസിന് കൈമാറാത്ത സിസിടിവി ദൃശ്യങ്ങള് കണ്ടെടുക്കാനുള്ള ശ്രമത്തിലാണ് പോലീസ്. ദൃശ്യങ്ങള് നശിപ്പിച്ചെന്ന് തെളിഞ്ഞാല് റോയ്ക്കെതിരെ കേസെടുക്കും. ഇന്നലെ ഹാജറാക്കിയ ഡിസ്കില് കേസുമായി ബന്ധപ്പെട്ട രേഖകള് ഉണ്ടായിരുന്നില്ല. ഹോട്ടലിനു മുന്നില് എ.ഐ.വൈ.എഫ് പ്രവര്ത്തകര് പ്രതിഷേധിച്ചു. അതിനിടെ മരണവുമായി ബന്ധപ്പെട്ട് പോലീസ് കസ്റ്റഡിയിലെടുത്ത കാര് ഡ്രൈവര് അബ്ദുല് റഹ്മാന് ജാമ്യത്തിലിറങ്ങി.
