കോന്നി : സെപ്റ്റംബർ 24ന് നടക്കുന്ന ദേശീയ പണിമുടക്കിന്റെ ഭാഗമായി അംഗൻവാടി ആശാ വർക്കർമാരും പാചക തൊഴിലാളികളും കലഞ്ഞൂർ, കൂടൽ പോസ്റ്റോഫീസുകളിലേക്ക് മാർച്ചും ധർണ്ണയും നടത്തി. മിനിമം വേതനം 21000 രൂപയാക്കുക പെൻഷൻ 10000 രൂപ നൽകുക, അലവൻസ് 10000 രൂപയാക്കുക തുടങ്ങിയ ആവശ്യങ്ങൾ ഉന്നയിച്ചാണ് ധർണ്ണ നടത്തിയത്.
കലഞ്ഞൂർ പോസ്റ്റോഫീസിലേക്ക് നടന്ന മാർച്ചും ധർണ്ണയും പറക്കോട് ബ്ലോക്ക് പഞ്ചായത്ത് വൈസ് പ്രസിഡന്റ് എം പി മണിയമ്മ ഉത്ഘാടനം ചെയ്തു. സുശീല കുമാരി അദ്ധ്യക്ഷത വഹിച്ചു. സി പി എം ലോക്കൽ സെക്രട്ടറി എം മനോജ് കുമാർ, സി ഐ ടി യു പഞ്ചായത്ത് സെക്രട്ടറി എസ് രാജേഷ്, ഹരീഷ് മുകുന്ദ്, പ്രഭാമണി, അനിത കുമാരി, ജയലക്ഷ്മി, സൂര്യകല, കൊച്ചുമോൾ എന്നിവർ സംസാരിച്ചു. കൂടൽ പോസ്റ്റോഫീസ് ധർണ്ണ പറക്കോട് ബ്ലോക്ക് പഞ്ചായത്തംഗം പി വി ജയകുമാർ ഉത്ഘാടനം ചെയ്തു. പ്രശാന്ത അധ്യക്ഷത വഹിച്ചു. രാജമണി ഉദയൻ, സുഭാഷിണി സി വി, അജിത സജി, ബിന്ദു സുകുമാരൻ തുടങ്ങിയവർ സംസാരിച്ചു.