മലപ്പുറം : അംഗന്വാടി കുട്ടികള്ക്ക് തേന് വിതരണവുമായി വനിത – ശിശു വികസന വകുപ്പ്. സമ്പുഷ്ട കേരളം പദ്ധതിയുടെ ഭാഗമായി വനിത-ശിശു വികസന വകുപ്പ് കേരള സംസ്ഥാന ഹോര്ട്ടികോര്പ്പുമായി ചേര്ന്നാണ് സംസ്ഥാനത്തെ അംഗന്വാടി കുട്ടികള്ക്ക് തേന് വിതരണം ചെയ്യുന്ന പദ്ധതി ‘തേന്കണം’ ആരംഭിക്കുന്നത്. ആഴ്ചയില് രണ്ടുദിവസം (ചൊവ്വ, വെള്ളി) ഒരുകുട്ടിക്ക് ആറ് തുള്ളിയാണ് (0.50 ഗ്രാം) നല്കുക. കോവിഡിനുശേഷം ഫെബ്രുവരിയിലാണ് അംഗന്വാടികള് തുറന്നത്. കുട്ടികളുടെ മാനസികവളര്ച്ചയും പോഷകാഹാരക്കുറവും നികത്തുകയാണ് ലക്ഷ്യം. ചോറ്, പാല്, മുട്ട, പായസം തുടങ്ങിയവ കുട്ടികള്ക്ക് നല്കുന്നുണ്ടെങ്കിലും തേന് നല്കുന്നത് ആദ്യമായാണ്. രണ്ടുഘട്ടമായാണ് പദ്ധതി നടപ്പാക്കുക.
ശരാശരി ഒരു അംഗന്വാടിയില് 15 കുട്ടികള് എന്ന നിരക്കില് ആദ്യഘട്ടത്തില് മൂന്ന് മാസത്തേക്ക് 300 ഗ്രാം തേന് വീതം ഓരോ അംഗന്വാടിയിലേക്കും വിതരണം ചെയ്യും. വെള്ളിയാഴ്ചക്കകം ഐ.സി.ഡി.എസ് ഓഫിസുകളില് തേന്കുപ്പികള് വിതരണം ചെയ്യുമെന്ന് ഹോര്ട്ടികോര്പ് അധികൃതര് അറിയിച്ചിട്ടുണ്ട്. ചൈല്ഡ് ഡെവലപ്മെന്റ് പ്രോജക്ട് ഓഫിസറുടെ (സി.ഡി.പി.ഒ) നേതൃത്വത്തില് തേന് അടുത്ത വെള്ളിയാഴ്ചയോ ശനിയാഴ്ച രാവിലെയോ സെക്ടര് തലത്തില് എത്തിക്കുകയും അംഗന്വാടി ജീവനക്കാര്ക്ക് വിതരണം ചെയ്യുന്നതിന് സജ്ജീകരണം ഒരുക്കുകയും വേണം. 30ന് അംഗന്വാടി പ്രവേശനോത്സവത്തോടെ പദ്ധതി മന്ത്രി വീണാ ജോര്ജ് ഉദ്ഘാടനം ചെയ്യും.
