കോട്ടയം: മിത്ത് വിവാദത്തിലൂടെ സ്പീക്കര് എ.എം.ഷംസീര് ലോകത്തിലെ കോടിക്കണക്കിന് ഹിന്ദുമത വിശ്വാസികളുടെ ആരാധ്യനായ ഭഗവാന് ഗണേഷ് ജിയെ അവഹേളിച്ചെന്ന് ബിജെപി ദേശീയ സെക്രട്ടറി അനില് ആന്റണി. പുതുപ്പള്ളി ഉപതിരഞ്ഞെടുപ്പില് നരേന്ദ്രമോദിയുടെ വികസന കാഴ്ചപ്പാടുകള് ചര്ച്ചയാകുമെന്നും അദ്ദേഹം വ്യക്തമാക്കി.
”ബിജെപി ആരുടെയും വികാരം വ്രണപ്പെടുത്താറില്ല. ശ്രീ ഷംസീര് ലോകത്തെ കോടിക്കണക്കിന് ഹിന്ദുമതവിശ്വാസികളുടെ ആരാധ്യനായ ഭഗവാന് ഗണേഷ് ജിയെ അദ്ദേഹം അവഹേളിച്ചു. അതു കഴിഞ്ഞ് അതിനെക്കുറിച്ച് സിപിഎം സംസ്ഥാന സെക്രട്ടറിയോട് ചോദിച്ചപ്പോള്, അത്തരമൊരു പ്രസ്താവനയെ അപലപിക്കുന്നതിനു പകരം പിന്തുണയ്ക്കുകയാണ് അദ്ദേഹം ചെയ്തത്. ആരെയും പ്രീണിപ്പിക്കാന് മറ്റുള്ളവരുടെ വികാരം വ്രണപ്പെടുത്തുന്ന രാഷ്ട്രീയം ബിജെപിക്കില്ല. അങ്ങനെയുള്ള രാഷ്്ട്രീയം ഇവിടെ വളരാന് അനുവദിക്കില്ല”- അനില് ആന്റണി വ്യക്തമാക്കി.
