തിരുവനന്തപുരം: നാട്ടിലിറങ്ങുന്ന വന്യമൃഗങ്ങളെ മയക്കുവെടിവച്ചിടുന്നത് എങ്ങനെയെന്ന് അറിയാന് അവസരമൊരുക്കി മൃഗസംരക്ഷണ വകുപ്പ്. കനകക്കുന്നില് നടക്കുന്ന ‘എന്റെ കേരളം’ മെഗാമേളയിലെ മൃഗസംരക്ഷണ വകുപ്പിന്റെ സ്റ്റാളിലാണ് മയക്കുവെടിവെയ്ക്കുന്നത് എങ്ങനെയാണെന്ന് പൊതുജനങ്ങള്ക്കായി വിവരിക്കുന്നത്. 27-ാം തീയതി വരെ, വൈകിട്ട് അഞ്ചു മണി മുതല് ഈ പ്രകടനം ഉണ്ടാകും.
മൃഗങ്ങളെ മയക്കുവെടി വയ്ക്കുന്നത് സംബന്ധിച്ച് ജനങ്ങള്ക്കിടയിലെ മിഥ്യാധാരണകളെ മാറ്റുക എന്ന ലക്ഷ്യത്തോടെയാണ് പ്രത്യേക പരിശീലനം നേടിയ ഉദ്യോഗസ്ഥര് സന്ദര്ശകര്ക്കായി സംവിധാനമൊരുക്കിയിട്ടുള്ളത്. ക്യാപ്ച്ചര് ഗണ് ഉപയോഗിച്ച് മയക്കു വെടിവയ്ക്കുന്നത് എങ്ങനെയാണെന്നാണ് ഉദ്യോഗസ്ഥര് വ്യക്തമാക്കി തരുന്നത്.