കോട്ടാങ്ങൽ: കോട്ടാങ്ങല് ശ്രീ മഹാഭദ്രകാളി ക്ഷേത്രത്തിൽ നിർമ്മാണം പൂർത്തീകരിച്ച അന്ന പ്രസാദ മണ്ഡപം നാടിന് സമർപ്പിച്ചു. രാവിലെ 10 40ന് തന്ത്രിമുഖ്യൻ കുഴിക്കാട്ടില്ലത്ത് അഗ്നിശർമ്മൻ നാരായണൻ വാസുദേവൻ ഭട്ടതിരിപ്പാടിന്റെ മുഖ്യകാർമകത്തിൽ നടന്ന പൂജകൾക്ക് ശേഷമാണ് സമര്പ്പണം നടന്നത്. മിസോറാം മുൻ ഗവർണർ കുമ്മനം രാജശേഖരൻ സമർപ്പണം നടത്തി. അഖിലഭാരത അയ്യപ്പ സേവാസംഘം ദേശീയ ജനറൽ സെക്രട്ടറിയും ക്ഷേത്രം ചെയർമാനുമായ അഡ്വ. ഡി വിജയകുമാർ അധ്യക്ഷത വഹിച്ചു. ആന്റോ ആന്റണി എംപി പൊതുസമ്മേളനം ഉദ്ഘാടനം ചെയ്തു.
റാന്നി എംഎൽഎ പ്രമോദ് നാരായണൻ മുഖ്യപ്രഭാഷണം നടത്തി. കോട്ടാങ്ങൽ ഗ്രാമപഞ്ചായത്ത് പ്രസിഡന്റ് കെ വി ശ്രീദേവി, വൈസ് പ്രസിഡണ്ട് കെ കെ ഹരികുമാർ, ക്ഷേത്ര ഭരണസമിതി സെക്രട്ടറി ടി സുനില് താന്നിയ്ക്കപൊയ്കയില്, പ്രസിഡന്റ് സുനില് വെള്ളിക്കര, ഗ്രാമപഞ്ചായത്ത് അംഗങ്ങളായ സുമ എം കെ, വിജയമ്മ, മഞ്ജുഷ, മായാദേവി, സുജിത്ത് കണ്ണാടി, പടയണി കോര്ഡിനേറ്റര് അനീഷ് ചുങ്കപ്പാറ, കോട്ടാങ്ങൽ ശ്രീഭദ്ര പടയണി സംഘം സെക്രട്ടറി മനീഷ് പുളിക്കൽ, അരുൺ മോഹൻ, ടി.ഡി സോമന്, രാജശേഖരന് നായര് കാരയ്ക്കാട്ട് എന്നിവര് പ്രസംഗിച്ചു.
