തിരുവല്ല : എംജിഎം ഹയർ സെക്കന്ററി സ്കൂളിന്റെ 119-മത് വാർഷികവും യാത്രയയപ്പ് സമ്മേളനവും തിരുവല്ല എം എൽ എ അഡ്വ മാത്യു ടി തോമസ് നിർവഹിച്ചു. നാഷണൽ സർവീസ് സ്കീമിന്റെ ആദിമുഖ്യത്തിൽ വിദ്യാർത്ഥികൾക്കുള്ള പശുക്കുട്ടി വിതരണവും സ്കൂളിലെ തയ്യൽ പരിശീലന ക്ലബ്ബിന്റെ ഉദ്ഘാടനവും എം എൽ എ നിർവഹിച്ചു. ഡിവൈഎസ്പി ശ്രീ രാജപ്പൻ റാവുത്തർ ഫോട്ടോ അനാഛാദനം നിർവഹിച്ചു. ഈ സ്കൂളിലെ രക്ഷിതാവും സീരിയൽ തിരക്കഥാ അവാർഡ് ജേതാവുമായ വിനു നാരായണനെ ആദരിച്ചു. യൂഹാനോൻ റമ്പാൻ ഉപഹാര സമർപ്പണം നടത്തി. ഫാ സി.വി ഉമ്മൻ, ഫാ കോശി ഫിലിപ്പ്, ഫാ എബി സി മാത്യു. , ഫാ.ഷിബു ടോംവർഗീസ്, ശ്രീമതി നാൻസി വറുഗീസ് ,ശ്രീമതി ജമീലാ ജോബ് , സൂസൻ ഐ ചീരൻ എന്നിവർ പ്രസംഗിച്ചു.
