കൊച്ചി : സുരക്ഷയൊരുക്കുന്നതിലും കുറ്റകൃത്യങ്ങള് തടയുന്നതിലും കൊച്ചി മെട്രോ പോലീസ് സ്റ്റേഷന് രാജ്യത്ത് മുന്നില്. പ്രവര്ത്തനം തുടങ്ങി അഞ്ചുവര്ഷം പിന്നിടുമ്പോള് രജിസ്റ്റര് ചെയ്ത കേസുകള് വെറും 49 എണ്ണം മാത്രം! ഡല്ഹി, മുംബയ്, ബംഗളൂരു മെട്രോയുമായി ബന്ധപ്പെട്ട് രജിസ്റ്റര് ചെയ്യുന്ന കേസുകള് പ്രതിവര്ഷം ശരാശരി 50നും മേലെയാണ്. 2019 ഫെബ്രുവരി 18നായിരുന്നു കളമശേരിയില് മെട്രോ പൊലീസ് സ്റ്റേഷന്റെ ഉദ്ഘാടനം. അന്നുതന്നെ ആദ്യ കേസുമെടുത്തു. ഒരാളെ കൊലപ്പെടുത്താന് ശ്രമിച്ച കേസില് രണ്ട് യുവാക്കളാണ് പിടിയിലായത്. മെട്രോയില് രക്ഷപ്പെടാന് ശ്രമിക്കുന്നതിനിടെ കുടുങ്ങുകയായിരുന്നു. രക്തംപുരണ്ട കത്തി പരിശോധനയില് കണ്ടെത്തിയതാണ് പ്രതികളെ കുടുക്കിയത്.
ആവര്ഷമായിരുന്നു മെട്രോ പോലീസിന്റെ ചരിത്രത്തില് എറ്റവുമധികം കേസുകള് രജിസ്റ്റര് ചെയ്തത്. 23 കേസുകള്.മെട്രോ പൊലീസെടുത്തിട്ടുള്ള കേസുകളില് അധികവും സാധനങ്ങള് നഷ്ടപ്പെടുന്നതുമായി ബന്ധപ്പെട്ടുള്ളവയാണ്. ഓരോ പോക്സോ, ലഹരിക്കേസും രജിസ്റ്റര് ചെയ്തിട്ടുണ്ട്. മെട്രോസ്റ്റേഷന് പരിസരത്തുവച്ച് ആലപ്പുഴ സ്വദേശിയുടെ കൈയില്നിന്ന് 22 ഗ്രാം എം.ഡി.എം.എ പിടികൂടിയതായിരുന്നു കേസ്.
