ചെങ്ങന്നൂര് : കെ – റയില് പദ്ധതിയുടെ കല്ലിടല് നടക്കുന്ന മുളക്കുഴയുടെ വിവിധ ഭാഗങ്ങങ്ങളില് സമരസമതി പ്രവര്ത്തകരെ പോലിസ് മര്ദ്ദിച്ചു. സമരസമതി പ്രവര്ത്തകരായ വനിതകള്ക്കുനേരെ പോലിസ് ആക്രമണം അഴിച്ചുവിടുകയായിരുന്നു. സ്ത്രീകളെ മര്ദ്ദിക്കുകയും അവരുടെ വസ്ത്രങ്ങള് വലിച്ചു കീറികയും ചെയ്തു. ഇതിനിടയില് വീടിന് സമീപത്തെ കല്ലിടല് തടയാന് എത്തിയ പിരളശ്ശേരി വലിയതറയില് ജോര്ജ് കുഴഞ്ഞുവീണു. അദ്ദേഹം പുതിയതായി പണികഴിപ്പിച്ച വീടിന് സമീപം കല്ലിടന് എത്തിയപ്പോഴാണ് ജോര്ജ് തടയാന് എത്തിയതും കുഴഞ്ഞുവീണതും. നാട്ടുകാരുടെ വന് പ്രതിഷേധിങ്ങള്ക്കിടയിലും കല്ലിടല് നിര്ത്തിവെക്കാന് ഉദ്യോഗസ്തര് തയ്യാറായിട്ടില്ല.
ഇന്നലെ സമരസമതി നേതാക്കളെയും വനിതകള് അടക്കമുള്ള ഇരുപതോളം പ്രവര്ത്തകരെയും പോലിസ് അറസ്റ്റ് ചെയ്തിരുന്നു. തുടര്ന്ന് വൈകിട്ടോടെ സ്പെഷ്യല് തഹസീല്ദാര്, ചെങ്ങന്നൂര് പോലീസ് സര്ക്കിള് ഇന്സ്പെക്ടര്, കെ – റയില് ഉദ്യോഗസ്തര് എന്നിവരുമായി സമരസമതി നേതാക്കള് നടത്തിയ ചര്ച്ചയില് കെ – റെയിലിന്റെ കല്ലിടല് നിര്ത്തിവെക്കും എന്നായിരുന്നു ധാരണ. എന്നാല് വന് പോലിസ് സന്നാഹത്തോടെ ഇന്ന് രാവിലെ ഉദ്യോഗസ്തര് പലഭാഗങ്ങളിലായി കല്ലിടാന് എത്തുകയായിരുന്നു. ഈ നടപടിയെ ചോദ്യം ചെയ്ത ജില്ലാ കണ്വീനര് മധു ചെങ്ങന്നൂര് അടക്കം മൂന്ന് പേരെ പോലിസ് അറസ്റ്റ് ചെയ്തു.
