ന്യൂഡല്ഹി : തമിഴ്നാട് മുഖ്യമന്ത്രി എം.കെ സ്റ്റാലിനും ഡല്ഹി മുഖ്യമന്ത്രി അരവിന്ദ് കെജ്രിവാളും തമ്മില് കൂടിക്കാഴ്ച. വലിയ രാഷ്ട്രീയ പ്രാധാന്യമുള്ള ഒരു കൂടിക്കാഴ്ചക്ക് ഇന്ന് ഡല്ഹിയിലെ വെസ്റ്റ് വിനോദ് നഗര് വേദിയാകും. രാവിലെ 11ന് നടക്കുന്ന കൂടിക്കാഴ്ച ഔദ്യോഗികമാണെങ്കിലും കേന്ദ്ര ഭരണത്തിനെതിരെ യുള്ള യോജിച്ച പോരാട്ടവും ചര്ച്ചയാകും. കൂടികാഴ്ച്ചക്ക് ശേഷം ഇരുവരും ചേര്ന്ന് ഡല്ഹിയിലെ സര്ക്കാര് സ്ക്കൂളുകളും പ്രാഥമിക ആരോഗ്യ കേന്ദ്രമായി പ്രവര്ത്തിക്കുന്ന മൊഹല്ല ക്ലിനിക്കുകളും സന്ദര്ശിക്കും. മൊഹല്ല ക്ലിനിക്ക് സന്ദര്ശിക്കുന്നതിന് മുന്നോടിയായി പ്രീ-പ്രൈമറി ക്ലാസിലെ വിദ്യാര്ഥികളുമായും ‘ഹാപ്പിനസ് ക്ലാസ്’, ‘ദേശഭക്തി ക്ലാസിലെ’ വിദ്യാര്ഥികളുമായും സ്റ്റാലിന് സംവദിക്കും. ഇതിന് പുറമേ ധനമന്ത്രി നിര്മലാ സീതാരാമനുമായും പിയുഷ് ഗോയലുമായും സ്റ്റാലിന് കൂടികാഴ്ച്ച തീരുമാനിച്ചിട്ടുണ്ട്.
