ചങ്ങനാശേരി: അഴിമതിക്കും അക്രമത്തിനും വോട്ടില്ലെന്ന് ചങ്ങനാശേരി അതിരൂപത ആര്ച്ച് ബിഷപ്പ് ജോസഫ് പെരുന്തോട്ടം. ഭരണഘടനക്കും മതസ്വാതന്ത്ര്യത്തിനും വേണ്ടി നിലകൊള്ളുന്നവര്ക്കാകണം വോട്ട് നല്കേണ്ടതെന്നും ജോസഫ് പെരുന്തോട്ടം വ്യക്തമാക്കി.
രാജ്യത്തിന്റെ ഭരണഘടന, ജനാധിപത്യ മൂല്യങ്ങള്, ന്യൂനപക്ഷാവകാശങ്ങള്, ഭരണഘടന ഉറപ്പു നല്കുന്ന മതസ്വാതന്ത്ര്യം മുതലായവ സംരക്ഷിക്കുമെന്ന് ഉറപ്പുള്ളവരെയാണ് തെരഞ്ഞെടുക്കേണ്ടത്. അതു കൊണ്ട് നിയമസഭ തെരഞ്ഞെടുപ്പില് ഉത്തമബോധ്യത്തോടെ വോട്ട് രേഖപ്പെടുത്തണം.
അഴിമതിക്കും അക്രമത്തിനും കൂട്ടുനില്ക്കുന്നവര്ക്ക് വോട്ട് ചെയ്യരുത്. രാഷ്ട്രീയം ഏകാധിപത്യത്തിന്റെ ശൈലി ആകരുത്. ക്രൈസ്തവ മനഃസാക്ഷിക്ക് അനുസരിച്ച് വോട്ട് ചെയ്യണമെന്നും ജോസഫ് പെരുന്തോട്ടം ചൂണ്ടിക്കാട്ടി.
