ഇടുക്കി: അരിക്കൊമ്പന് കാട്ടാന വീണ്ടും പെരിയ കനാല് എസ്റ്റേറ്റില് എത്തി. ആനയിറങ്കല് അണക്കെട്ട് ഭാഗത്തേക്കാണ് ആന പോയത്. ഇടുക്കി പെരിയകനാലില് വീണ്ടും അരിക്കൊമ്പന്റെ ആക്രമണമുണ്ടായിരുന്നു. കഴിഞ്ഞ ദിവസം രാത്രി പത്തുമണിയോടെ റോഡിലേക്കിറങ്ങിയ അരിക്കൊമ്പന് നാലു പേര് സഞ്ചരിച്ചിരുന്ന ജീപ്പ് ആക്രമിച്ചിരുന്നു.
അരിക്കൊമ്പന് കാട്ടാനയെ വനപാലകര് നിരീക്ഷിച്ചു കൊണ്ടിരിക്കുകയാണ്. 29-ന് മോക്ക് ഡ്രില്ല് നടത്തിയാലും കോടതി വിധി അനുകൂലമായാലേ മയക്കുവെടി വയ്ക്കാനാകൂ. മുത്തങ്ങയില് നിന്നെത്തിയ കുങ്കിയാനകളെ കാണാന് ജനം കൂട്ടത്തോടെ എത്തിയിരുന്നു. തുടര്ന്ന് വനംവകുപ്പ് ആനകള്ക്ക് അടുത്തേക്ക് പോകുന്നതില് നിന്ന് ആളുകളെ തടഞ്ഞിരുന്നു.
