കമ്പം: അരിക്കൊമ്പനെ കണ്ടെത്താന് കഴിയാത്തതിനാല് തമിഴ്നാടിന്റെ ദൗത്യം വീണ്ടും അനിശ്ചിതത്വത്തിലായി. ആനയെ കണ്ടെത്തി പിടികൂടാന് പ്രത്യേക അഞ്ചാംഗ പ്രത്യേക സംഗത്തെയും നിയോഗിച്ചു. രാവിലെ ഷണ്മുഖ നദീ ഡാമിന് സമീപത്തെ ഷണ്മുഖനാഥ ക്ഷേത്ര പരിസരത്ത് അരിക്കൊമ്പന് എത്തിയിരുന്നു. ക്ഷേത്രത്തിലുണ്ടായിരുന്ന വൃദ്ധ കൊമ്പനെ നേരിട്ട് കണ്ടു. വിവരം വനം വകുപ്പിനെയും പൊലീസിനെയും അറിയിച്ചു. വനപാലകര് എത്തിയപ്പോഴേക്കും അരിക്കൊമ്പന് മറ്റൊരു സ്ഥലത്തേക്ക് നടന്ന് നീങ്ങി.
ആന ഒന്നര കിലോമീറ്ററിലധികം വനത്തിലൂടെ സഞ്ചരിച്ചതായാണ് വിവരം. വനത്തില് നിന്നും ആവശ്യത്തിന് ഭക്ഷണവും വെള്ളവും കുടിച്ച് ആരോഗ്യം വീണ്ടെടുത്ത് കൊണ്ടിരിക്കുകയാണ്. കൊമ്പനെ മയക്കുവെടിവെയ്ക്കാന് അനുയോജ്യമായ സ്ഥലത്തേക്കെത്തിക്കാനുളള ശ്രമമാണ് വനം വകുപ്പ് നടത്തുന്നത്. ഉള്ക്കാട്ടിലുള്ള അരിക്കൊമ്പനെ നേരിട്ട് കാണാന് വനം വകുപ്പിനായിട്ടില്ല.
