കൂത്താട്ടുകുളം: സ്ഥാനാര്ഥിയുടെ വീട്ടില് ചാരായം വാറ്റിയ കേസില് ഭര്ത്താവിനെ എക്സൈസ് സംഘം പിടികൂടി. ഇടയാര് പീടികപ്പടിക്ക് സമീപം കരകുഴുപ്പിള്ളില് കെ.എ. സ്കറിയയാണ് (57) അറസ്റ്റിലായത്.
ചാരായം വാറ്റുന്നുണ്ടെന്ന രഹസ്യവിവരത്തിന്റെ അടിസ്ഥാനത്തില് പിറവം റേഞ്ച് എക്സൈസ് ഇന്സ്പെക്ടര് എസ്. മധുവിന്റെ നേതൃത്വത്തിലുള്ള സംഘമാണ് പിടികൂടിയത്. മൂന്നര ലിറ്റര് ചാരായവും ഒന്നര ലിറ്റര് വിദേശമദ്യവും അടുത്ത വാറ്റിന് തയാറാക്കിയ 50 ലിറ്റര് വാഷ്, കുക്കര്, സ്റ്റൗ അനുബന്ധ ഉപകരണങ്ങള് തുടങ്ങിയവ പിടിച്ചെടുത്തു.
സ്കറിയയുടെ ഭാര്യ മേരി കൂത്താട്ടുകുളം നഗരസഭയിലെ 24ാം ഡിവിഷനിലെ കോണ്ഗ്രസ് വിമത സ്ഥാനാര്ഥിയാണ്. പ്രിവന്റിവ് ഓഫിസര്മാരായ ചാള്സ് ക്ലാര്വിന്, സാബു കുര്യാക്കോസ്, സിവില് എക്സൈസ് ഓഫിസര്മാരായ ഉന്മേഷ്, ജയദേവന്, വിനോദ്, ഹരിദാസ്, ജിഷ്ണു, വനിത സിവില് എക്സൈസ് ഓഫിസര് ടി.കെ. സൗമ്യ എന്നിവര് സംഘത്തില് ഉണ്ടായിരുന്നു.
