തിരുവനന്തപുരം : തമ്പാനൂര് റെയില്വേ സ്റ്റേഷനു സമീപത്ത് വെച്ച് ലോട്ടറി വില്പ്പനക്കാരനെ കുത്തിക്കൊലപ്പെടുത്താന് ശ്രമിച്ച കേസിലെ പ്രതിയെ പോലീസ് പിടികൂടി. തമിഴ്നാട് കന്യാകുമാരി സ്വദേശി സുരേഷിനെയാണ് (36) തമ്പാനൂര് പോലീസ് പിടികൂടിയത്. തമ്പാനൂരിലും പരിസരങ്ങളിലും ലോട്ടറി വില്പ്പന നടത്തി വരുന്ന മാര്ത്താണ്ഡം സ്വദേശി മോസിനെയാണ് പ്രതി ആക്രമിച്ചത്. ഞായറാഴ്ചയാണ് സംഭവം നടന്നത്. തമ്പാനൂര് റെയില്വേ സ്റ്റേഷന് സമീപം നില്ക്കുകയായിരുന്ന മോസനുമായി പ്രതി സുരേഷ് വാക്കു തര്ക്കത്തിലേര്പ്പെടുകയും കത്തി കൊണ്ട് വയറില് കുത്തിപ്പരിക്കേല്പ്പിക്കുകയുമായിരുന്നു. കുത്തിയിട്ട് പ്രതി ഒളിവില് പോകുകയായിരുന്നു.
