കൊല്ലം: അയല്വാസിയായ വീട്ടമ്മയ്ക്ക് നേരെ കുളിമുറിയില് കടന്ന് കയറി ലൈംഗിക അതിക്രമത്തിന് ശ്രമിച്ച യുവാവ് അറസ്റ്റില്. കിഴക്കേ കല്ലട കൊടുവിള പരിച്ചേരി തെക്കേ പ്ളാവിള ചരുവില് വീട്ടില് വിനോദിനെയാണ്(36) കിഴക്കേകല്ലട പോലീസ് അറസ്റ്റ് ചെയ്തത്. കഴിഞ്ഞ ദിവസം രാത്രിയിലായിരുന്നു കേസിനാസ്പദമായ സംഭവം. വീടിന് പുറത്തുള്ള കുളിമുറിയില് വീട്ടമ്മ കുളിക്കുന്നതിനിടെ വിനോദ് കുളിമുറിയുടെ കൊളുത്ത് ഇളക്കി അകത്ത് കടക്കുകയുമായിരുന്നു.
വീട്ടമ്മ നിലവിളിച്ചതോടെ പ്രതി ഓടി രക്ഷപെട്ടു. തുടര്ന്ന് ഇവര് കിഴക്കേ കല്ലട പോലീസില് പരാതി നല്കിയതിന്റെ അടിസ്ഥാനത്തില് നടത്തിയ അന്വേഷണത്തിലാണ് ഇയാളെ അറസ്റ്റ് ചെയ്തത്.