ദില്ലി: സിബിഐ ആര്യന് ഖാന് പ്രതിയായ വ്യാജ ലഹരി മരുന്നു കേസില് സമീര് വാങ്കഡെക്ക് എതിരായി രജിസ്റ്റര് ചെയ്ത എഫ്ഐആറിലെ വിവരങ്ങള് പുറത്ത്. വ്യാജ കേസ് ഉണ്ടാക്കി ഷാരൂഖിനെ ഭീഷണിപ്പെടുത്തി 25 കോടി കൈക്കലാക്കാനായിരുന്നു പദ്ധതി. പിന്നീട് 18 കോടിക്ക് ഉറപ്പിച്ചു. 50 ലക്ഷം അഡ്വാന്സ് വാങ്ങി. കിരണ് ഗോസാവി എന്നയാളുമായി ചേര്ന്നാണ് ഗൂഢാലോചന നടത്തിയതെന്നും എഫ് ഐ ആറില് പയുന്നു.
ആര്യന് ഖാനെ കേസില് നിന്ന് ഒഴിവാക്കാനായി സമീര് വാങ്കഡേ അടക്കമുള്ള ഉദ്യോഗസ്ഥര് 25 കോടി രൂപ കൈക്കൂലിയായി ആവശ്യപ്പെട്ടെന്നാണ് സിബിഐ കേസ്. സമീര് വാങ്കഡേ അടക്കം മൂന്ന് ഉദ്യോഗസ്ഥര്ക്കെതിരെയാണ് കേസ് എടുത്തിരിക്കുന്നത്. വിജിലന്സ് നടത്തിയ പ്രാഥമിക അന്വേഷണ റിപ്പോര്ട്ട് അനുസരിച്ചാണ് ഐആര്എസ് ഉദ്യോഗസ്ഥനായ സമീര് വാങ്കഡേയ്ക്കെതിരെ കേസ് എടുത്തിരിക്കുന്നതെന്ന് സിബിഐ വെള്ളിയാഴ്ച വിശദമാക്കിയിട്ടുണ്ട്. 2021 ഒക്ടോബറിലായിരുന്നു മുംബൈയിലെ ആഡംബര കപ്പലായ കോര്ഡേലിയ ഇംപ്രസയില് സമീര് വാങ്കഡേ നേതൃത്വം നല്കുന്ന സംഘം റെയ്ഡ് നടത്തിയതും ആര്യന് ഖാന് അടക്കമുള്ളവര് അറസ്റ്റിലായതും.
