ചിറ്റാര് : പാവപ്പെട്ടവന്റെ പ്രശ്നങ്ങൾ ലോകത്ത് നില നിൽക്കുന്ന കാലത്തോളം കമ്യുണിസ്റ്റ് പാർട്ടി ലോകത്ത് നില നിൽക്കുമെന്ന് സി പി ഐ സംസ്ഥാന എക്സിക്യൂട്ടീവ് കമ്മറ്റി അംഗം മുല്ലക്കര രത്നാകരൻ പറഞ്ഞു. സി പി ഐ ചിറ്റാർ ലോക്കൽ കമ്മറ്റിയുടെ നേതൃത്വത്തിൽ സംഘടിപ്പിച്ച വി കെ കൃഷ്ണൻകുട്ടി അനുസ്മരണം ഉത്ഘാടനം ചെയ്ത് സംസാരിക്കുകയായിരുന്നു അദ്ദേഹം. രണ്ട് രീതിയിൽ ഉള്ള രാഷ്ട്രീയ പ്രവർത്തനം ഉണ്ട്, ഒന്ന് പൊതു പ്രവർത്തനവും മറ്റൊന്ന് സ്വകാര്യ പ്രവർത്തനവും. തന്റെ കാര്യങ്ങൾ മാറ്റി വെച്ച് സമൂഹത്തിന് വേണ്ടി പ്രവർത്തിക്കുന്നവർ ആണ് പൊതുപ്രവർത്തകർ. അത്തരത്തിൽ ഉള്ളവർ ആണ് കമ്യുണിസ്റ്റ്കാർ.
കമ്യൂണിസ്റ്റുകൾ കാത്ത് സൂക്ഷിക്കുന്നത് മാനവികമായ സാഹോദര്യമാണ്. വിശ്വാസിയെ അവിശ്വാസിയാക്കാൻ എളുപ്പമാണ്. അതിന്റെ പരിണിത ഫലമാണ് ഇലന്തൂരിൽ സംഭവിച്ച നരബലി. ഇന്ത്യയിൽ വലിയ സാമൂഹിക മാറ്റങ്ങൾ കൊണ്ടുവന്നവർ ആണ് സന്യാസികൾ. കേരളത്തിലെ പഴയ ഒരു കാലഘട്ടത്തിലെ സമൂഹത്തിനെ മാറ്റത്തിലേക്ക് കൊണ്ടുവന്നവർ ആണ് സന്യാസികൾ. കമ്യൂണിസ്റ്റ്കളെ ആർക്കും വിശ്വസിക്കാം. അമ്മയെപോലെ ആകണം ഏതൊരു ഭരണകൂടവും. പ്രകൃതിയെ വണങ്ങി ജീവിക്കുവാൻ നാം പഠിക്കുക. സമത്വത്തെകുറിച്ചുള്ള ഏറ്റവും മനോഹരമായ സങ്കല്പമാണ് ഓണം എന്നും അദ്ദേഹം പറഞ്ഞു.
സംഘാടക സമിതി ചെയർമാൻ റ്റി എസ് രാജു അധ്യക്ഷത വഹിച്ചു. സി പി ഐ പത്തനംതിട്ട ജില്ലാ സെക്രട്ടറി എ പി ജയൻ ആദ്യകാല പ്രവർത്തകരെ ആദരിച്ചു. സി പി ഐ സംസ്ഥാന കൗൺസിൽ അംഗം പി ആർ ഗോപിനാഥൻ, സി പി ഐ കോന്നി മണ്ഡലം സെക്രട്ടറി കെ രാജേഷ്, സി പി ഐ റാന്നി മണ്ഡലം സെക്രട്ടറി ജോജോ കോവൂർ, സി പി ഐ ജില്ലാ കൗൺസിൽ അംഗങ്ങൾ ആയ എ ദീപകുമാർ, ബീന മുഹമ്മദ് റാഫി, മണ്ഡലം സെക്രട്ടേറിയേറ്റ് അംഗങ്ങളായ പി കെ വാസുദേവൻ, കെ സന്തോഷ്, മണ്ഡലം കമ്മറ്റി അംഗം പി ജെ തോമസ്, തണ്ണിത്തോട് ലോക്കൽ സെക്രട്ടറി പി സി ശ്രീകുമാർ, സീതത്തോട് ലോക്കൽ സെക്രട്ടറി സജി തോമസ് മുള്ളാനിൽ, ആർ പി സിദ്ധി, കെ ജി അനിൽ കുമാർ, അനുജു, പി എസ് സുജ, ആർ പി സിദ്ധി, കെ ജി അനിൽ കുമാർ, കെ ജി ഗോപാലനാചാരി, പി എൻ വാസുദേവപിള്ള, ഷൈലജ ബീവി, വി കെ പ്രമോൻ തുടങ്ങിയവർ സംസാരിച്ചു.
