നഗോയ : ഏഷ്യൻ ഗെയിംസ് അമ്പെയ്ത്തിൽ തിളങ്ങി ഇന്ത്യ. വനിതകളുടെ റിക്കർവ് ഇനത്തിൽ ഇന്ത്യ സ്വർണം നേടി. ഇന്ത്യക്കായി അനിൽ മൊഹോദാണ് പൊന്നണിഞ്ഞത്. 17-കാരിയായ താരം കൊറിയൻ താരത്തിനെതിരേ ശക്തമായി തിരിച്ചുവന്നാണ് സ്വർണം നേടിയത്. നിലവിൽ ഇന്ത്യയുടെ ആകെ മെഡൽനേട്ടം 77 ആണ്. 17 സ്വർണമാണ് നിലവിൽ ഇന്ത്യയ്ക്കുള്ളത്. 25 വെള്ളിയും 35 വെങ്കലവും സ്വന്തമാക്കി. 20 സ്വർണവുമായി ഉസ്‌ബെക്കിസ്ഥാനാണ് നാലാമത്. ജപ്പാൻ രണ്ടാമതും ചൈന ഒന്നാമതും തുടരുകയാണ്. ജപ്പാന് 72 സ്വർണമാണെങ്കിൽ ചൈന 162 സ്വർണവുമായി ബഹുദൂരം മുന്നിലാണ്. ചൈനയ്ക്ക് നിലവിൽ 317 മെഡലുകളുണ്ട്.
വെള്ളിയാഴ്ച മിന്നും പ്രകടനം പുറത്തെടുത്താണ് ഇന്ത്യൻ താരങ്ങൾ പൊന്നണിഞ്ഞത്. ബോക്‌സിങ്ങിൽ മൂന്ന് സ്വർണമടക്കം ആറ് സ്വർണമാണ് വെള്ളിയാഴ്ച ഇന്ത്യ നേടിയത്. അമ്പെയ്ത്തിലെ സ്വർണനേട്ടത്തോടെയാണ് ഇന്ത്യ തുടങ്ങിയത്. റിക്കർവ് ഇനത്തിൽ വനിതാ ടീം സ്വർണം നേടി. പിന്നാലെ ബോക്‌സിങ് റിങ്ങിൽ ഇന്ത്യ മെഡലുകൾ വാരിക്കൂട്ടി. മൂന്ന് സ്വർണമാണ് ഇന്ത്യൻ താരങ്ങൾ നേടിയത്.
